寸王回鄉紅魔搶W贈興

2017-10-18 20:03 来源:网络整理

今晚歐聯A組大戰,「寸王」莫連奴率領曼聯返祖國,作客葡超勁旅賓菲加。莫帥熟晒對手路數,加上曼聯今季表現持續大勇,反觀賓菲加完全冇料到,3大因素支持之下,「紅魔鬼」今場贏波全取3分機會好高,直取曼聯客勝。

(有線64及203台周四凌晨2時45分直播)

雖然曼聯上場英超大打防守足球,作客只係同利物浦打和0比0,但以莫連奴穩健作風,可以喺晏菲路球場不敗而回,其實已經達到賽前目標。有理由相信曼聯去番歐聯戰場又係另一回事,畢竟分組賽只得6場,每場都要搏盡爭勝。事實上,莫連奴曾短暫執教過賓菲加,但教咗9場不歡而散,以佢記仇嘅性格,相信「寸王」已有取勝把握,加上射手盧卡古衝擊力強,入球效率高,曼聯作客都會主攻搶分,要攻陷賓菲加唔係難事。

賓菲加退步冇運行

至於賓菲加今季表現明顯退步,喺聯賽已被波圖拋離5分,兩場歐聯分組賽更加輸晒,而且對手只係莫斯科中央陸軍及巴素利之流,今場遇上小組最強兼兩戰全勝嘅曼聯,更加冇運行。